Didáctica das Ciencias Matemáticas
Os principais obxectivos da área de Didáctica das Matemáticas da USC son a formación do profesorado, a avaliación dos coñecementos nos distintos niveis educativos; e o deseño, implantación e análise das prácticas docentes. As liñas de investigación que segue esta área céntranse nas seguintes:
- Dúas liñas tradicionais:
- Liña A: Coñecemento e desenvolvemento profesional do profesorado de matemáticas.
- Liña B: Visualización e razoamento espacial.
- Tres liñas emerxentes:
- Liña C. Modelización matemática e competencia en áreas STEAM (Ciencia, Tecnoloxía, Enxeñaría, Arte, Matemáticas).
- Liña D. Boas Prácticas Matemáticas en Educación Infantil. Liña
- E. Estímulo matemático para a educación inclusiva.
Os membros da área participan activamente en redes como a Sociedade Española de Investigación en Educación Matemática (SEIEM), e asociacións profesionais como a Asociación Galega de Profesores de Ensino Matemático (AGAPEMA) ou a de Profesores de Ciencias de Galicia (ENCIGA). A área forma o grupo de Innovación Docente da USC denominado Tesela de Innovación en Educación Matemática (GIDEM-TESELA). Varios dos docentes da zona pertencen ao profesorado de ESTALMAT-Galicia, un proxecto de Estimulación do Talento Matemático. Colabora recentemente coa asociación IGAXES3 (Instituto Galego de Xestión para o Terceiro Sector) no ensino e aprendizaxe das matemáticas con alumnado en risco de exclusión.
Grupo
